2006ko urriaren 5ean, Elixabete Garmendiaren gidaritzapean, Emilio Lopez Adan Beltza eta Petxo Idoyaga aritu ziren Ardotxiri buruz eta Mentxakaren aitorpena liburuko beste hainbat konturi buruz hizketan. Xabier Mendiguren editoreak aurkeztu zuen mahai-ingurua.
Azken galderaren harian, Jose Ramonen haurtzaroko lagun Pello Esnalen testigantza entzun ahal izango duzue bertan, baita Ardotxirekin batera 15 egun aldameneko ziegan pasatu zituen lagunaren testigantza ere.
Bost urte igaro dira Ardotxi zendu zenetik.
Urte bete geroago sareratu genuen blog honetan, saiatu ginen bapateko desagertze haren ondorengoa biltzen: Ardotxiren liburua, lagunen testigantzak, hemerotekako artikuluak, argazkiak.
Bapateko galera handiaren hondarrak bildu eta hementxe jarri genituen, zuen eskura.
Mezu honetan datorrena, berriz, falta zen: Mentxakaren aitorpena aurkeztu berritan, 2006an, EITBko Arratsaldekoa saioan Arantza Iturbek Rafa Egigureni egin zion elkarrizketa:
Ardotxiren adiskide mina zen eta egun preso daukaten Teresa Todaren ahotsa ere entzun dezakezue bertan.
Joserra maite genuenok gogoan dugu sarri, bereziki hau bezalako egunetan. Honaino iritsi baldin bazarate, Ardotxiren oroitzapena gurekin partekatzeko gonbitea luzatu nahi dizuegu gaur, galdu genuenetik bost urte bete direnean. Eta, ordezkaezinen artera joan zenez, betiko gure bihotzetan dela esan.
Agurtzane
You are currently browsing the Agur, Mentxaka! blog archives for 2010(e)ko martxoa.
 | agurtzane(e)k 10. Urteurrenean bidalketan |
 | ataramiñe(e)k 10. Urteurrenean bidalketan |
 | Joxerra Bustillo(e)k Irakurleari bidalketan |
 | Hasier Etxeberria(e)k Irakurleari bidalketan |
Agur, Mentxaka! 