Archive for the ‘Sin categoría’ Category

h1

11 . Urteurrenean

2016/03/28

Hona hemen Ardotxiren adiskide batek, Jesus Mari Begoñak, sortutako Andoindarrak izeneko jauzia pianoan lau eskuetara grabatua. Musikak Jose Ramonen bizitza laburtzeko asmoa du; esaldi bakoitzak haren bizitzaren pasadizu bat kontatzen du  musikaren lengoiaren bitartez.

Beste adiskide batek, Pello Esnalek, ondorengo bertsoak bidali zizkigun abuztuaren 14an:

Zure urdintasunean (Doinua: “Itsasoari begira”)

Gaur hamar urte utzi gintuzun

erarik gogorrenean.

Ondoren zenbat taupada triste

gure bihotz barrenean…

Egun batean itsasoak dei

arratsaren hutsunean,

beste batean izarrak argi

gau beltzaren ilunean…

Geroztik ez da zerurik falta

zure urdintasunean.

&&&

Opari handi izan zintugun

bizitzaren joanean.

Ai zer-nolako poz-jarioa

zurekin aldamenean.

Nahiz eta hamar urteko hutsak

zulatzen gaituenean

halako mira sumatzen dugun

bihotzaren barrenean,

inoiz ez zaigu zerurik falta

zure urdintasunean.

Inoiz ez zaigu uhinik falta

zure urdintasunean.

Inoiz ez zaigu zerurik falta

zure urdintasunean.

Inoiz ez zaigu zerurik falta

zure urdintasunean.

2015.03.28/29

2015.08.14

Mila esker, bihotz-bihotzez, Jesus Mari eta Pellori!

Agurtzane

Advertisements
h1

Berria-n argitaratutako elkarrizketa

2015/04/10

Aro bat amaituta, kontakizunen gatazkan bizi gara gaur. Gurea egitea garrantzitsua da, ez bakarrik atzera begira justizia egon dadin, baita aurrera begira ere gure ondorengoek etorkizun hobea izan dezaten. Hementxe 10 urteurrenaren harian Berria-n argitaratutako elkarrizketa.